Obradoiros con perspectiva de xénero
En MujerArt deseñamos formación dirixida a centros escolares, entidades de acción social, concellos, asociacións e outros colectivos.
Esta formación está dirixida a nenas/os e mozas/os e desenvólvese ao redor da historia da arte en feminino e a igualdade.
A historia da arte é un ámbito especialmente atractivo para traballar a igualdade de xénero cos nenas/os e mozas/os.
Cos talleres que a continuación se propoñen, espérase un achegamento ás mulleres artistas, creadoras e que forman parte da historia, as cales se omiten habitualmente do discurso histórico-artístico e dos currículos educativos.
Estes obradoiros contan cunha parte explicativa e unha didáctica. Nunha sesión de aproximadamente dúas horas realizarase, en primeiro lugar, unha presentación previa da situación das mulleres na historia e na arte para posteriormente profundar nalgunha das temáticas que se propoñen.
En segundo lugar, unha parte interactiva onde o alumnado participará a través de distintas actividades vinculadas co tema da sesión.
Escritura, música e fotografía. Estas son as tres disciplinas artísticas nas que se centra cada un dos talleres de Muller Art, coincidindo coas profesións das protagonistas das tres primeiras edicións da revista.
Co Obradoiro I, partindo da figura de Enheduanna, realízase unha aproximación áarte mesopotámica, á súa cultura e en especial á escritura cuneiforme. Para achegara arte antiga ao alumnado exponse un taller de escritura cuneiforme, no que serealizarán táboas de arxila e practicarase a forma na que Enheduanna compoñía osseus poemas.
Para o Obradoiro II a referente é María “A Balteira”, soldadeira de profesión. Con ela preténdese refugar a connotación negativa que tiña este traballo na idade media e valorar o labor das mulleres que se dedicaban á música. Aproximándose á figura das soldadeiras e pandeireteiras repararase no tipo de composicións, nos instrumentos que usaban, a importancia das mulleres na transmisión da tradición… Como actividade proponse crear instrumentos con materiais reciclados.
No Obradoiro III a figura central será Frances Benjamin Johnston, unha das primeiras fotorreporteiras da historia. Con ela farase un repaso da historia da fotografía, poñendo especial atención nas mulleres que se dedicaron a esta profesión. Botando man da figura de Anne Atkins e o primeiro libro con fotografías,realizarase un taller de cianotipia.
- Grupos de 25 participantes
- Materiais incluídos no prezo e de uso individual para cada alumna/o.
- Obradoiros de 2 horas de duración, cunha parte histórica e outra deelaboración de obras de arte.
- Dous monitores especialistas en cada Obradoiro, altas incluídas no prezo.
Se desexas recibir máis información sobre os talleres podes escribir a:
mujerartformacion@gmail.com
